(باللهجة العامية)رح يبقى الشام بقلم الشاعرة د.وردة الجط
ضحكْ قاسيون و طلّْ بورداتو
توزع ع الدني أحلى بسماتو
فوقْ بحضن ِالسّما خبّا حكاياتو
مطرح ما النسر علاّ بجناحاتو
بليلة صفا شوف محلا طلاتو
نجوم تلمعْ بيوت وطني وحاراتو
يغار القمرمنها ويخاف ع نجماتو
ولما الصّّبح هَلْ والليل ودّعْ عتماتو
تغيّر العَدانْ والبشر طمعتْ بخيراتو
ولما ضميرها نام والحقد بدَأ دوراتو
صار الدولارعندها،أغلى من الإنسان ذاتو
شوّهوا بالحرب وجّ الحب ونسماتو
وما بقي بالوطن إلا الشريف وإخواتو
حمل ْراية الشام وعِزْتو وكرامتو
ونادى بالشرق والغرب:
رح يبقى الشام وتبقى حكاياتو
ليست هناك تعليقات:
إرسال تعليق